Rusiya futbol klubları 2026/2027-ci il mövsümündə də Avropa kuboklarında mübarizə aparmayacaq.
UEFA İcraiyyə Komitəsinin qəbul etdiyi qərara əsasən, Rusiya yığmaları və klub komandalarına tətbiq olunan sanksiyalar qüvvədə saxlanılıb. Bu səbəbdən qurum turnirlərdə iştirak edəcək komandaların siyahısına müvafiq düzəlişlər edib.
Beləliklə, UEFA Rusiya təmsilçilərinin qarşıdakı mövsümdə də Çempionlar Liqası, Avropa Liqası və Konfrans Liqasında iştirakına icazə verməyəcəyini rəsmən təsdiqləyib.
Xatırladaq ki, UEFA 2022-ci ilin fevralından etibarən Rusiya komandalarını bütün beynəlxalq klub və milli komanda yarışlarından kənarda saxlayır.