2026-cı ilin 8–9 may tarixlərində Litva Respublikasının Şaulyay şəhərində K-1 idman növü üzrə beynəlxalq Açıq Çempionat keçirilmişdir. Yarışda müxtəlif ölkələrdən güclü idmançılar iştirak etmiş, yüksək rəqabət şəraitində maraqlı və gərgin qarşılaşmalar baş tutmuşdur. Azərbaycanı turnirdə təmsil edən idmançımız Rəşidli Rəşid uğurlu çıxışı ilə diqqət mərkəzində olmuş və yarışın yekununda fəxri ikinci yerə layiq görülmüşdür. Təmsilçimiz yarımfinal mərhələsində Estoniya idmançısı Karoli Sausdravas üzərində inamlı qələbə qazanaraq final mərhələsinə vəsiqə əldə etmişdir. Final görüşündə isə Rəşidli Rəşid Litva təmsilçisi Andrey Gulubev ilə qarşılaşmışdır. Gərgin və maraqlı mübarizə şəraitində keçən döyüşün sonunda idmançımız turniri gümüş medalla başa vurmuşdur. Qeyd edək ki, Rəşidli Rəşidin beynəlxalq arenada əldə etdiyi bu uğur Azərbaycan idmanının inkişafının, eləcə də gənc idmançıların yüksək potensialının növbəti bariz nümunəsidir.

Urbaninfo.az