Kung-Fu Federasiyasında yeni təyinatlar və klub lisenziyalarının təqdimatı keçirilib Azərbaycan Kung-Fu Federasiyasının növbəti iclası keçirilib.

 Urbaninfo.az- a Kung-Fu Federasiyasının verdiyi xəbərə görə   İclas çərçivəsində federasiyanın fəaliyyət istiqamətləri üzrə bir sıra mühüm kadr təyinatları həyata keçirilib, həmçinin regionlarda fəaliyyət göstərən klublara lisenziyalar təqdim olunub. İclas zamanı böyüklərdən ibarət Kung-Fu Sanda üzrə Azərbaycan yığma komandasının baş məşqçisi vəzifəsinə Etiqad Atakişiyev təyin edilib. O, bu vəzifədə Ramin Allahverdiyevi əvəz edib. Eyni zamanda, Çin döyüş sənətlərinin inkişafı məqsədilə Tao-Lu və Ci-Qun istiqamətləri üzrə baş məşqçi vəzifəsinə Rafət Əsədov, Taijiquan və Taijishan üzrə baş məşqçi vəzifəsinə isə Fatimə Məmmədova təyin olunublar.

Regionlarda Kung-Fu idman növünün inkişafının genişləndirilməsi məqsədilə keçirilən təqdimat mərasimində də bir sıra mühüm qərarlar qəbul olunub. Belə ki, İmişli rayonu üzrə nümayəndə kimi Muhammədəli İmişli Elşən Əhmədov, Biləsuvar rayonu üzrə Ramil Əsgərov, Şirvan şəhərində fəaliyyət göstərən “Nato Şampion” klubunun rəhbəri kimi Rəşad Quliyev təsdiq edilib. Həmçinin, İsmayıllı Kung-Fu İdman Klubunun prezidenti vəzifəsinə Anar Həsənov seçilib. Təyin olunan şəxslərə müvafiq lisenziya və sənədlər təqdim edilib.

Federasiyanın prezidenti Nurlan Aslanov çıxışında Azərbaycan Respublikasının Prezidenti cənab İlham Əliyevin idmana göstərdiyi xüsusi diqqət və qayğını, eləcə də Gənclər və İdman Nazirliyinin federasiyalara verdiyi davamlı dəstəyi vurğulayıb.

Qeyd olunub ki, federasiyanın əsas prioritetləri ölkədə idmanın inkişaf etdirilməsi, gənclərin idmana cəlb olunması, onların sağlam həyat tərzinin təşviqi və zərərli vərdişlərdən uzaq tutulmasıdır.

İclasda çıxış edən federasiyanın vitse-prezidentləri Babək Əliyev və Ehram Məcidov, Hakimlər Kollegiyasının sədri Güloğlan Cabbarov, eləcə də hüquq eksperti İsmayıl Zalov yeni təyin olunmuş baş məşqçilərə və klub rəhbərlərinə fəaliyyətlərində uğurlar arzulayıblar. Çıxışlarda federasiyanın inkişafı istiqamətində birgə səylərin davam etdiriləcəyi xüsusi qeyd olunub.

Urbaninfo.az