ABŞ federal məhkəməsi Dövlət Departamentinin aralarında Azərbaycanın da olduğu 75 ölkənin vətəndaşlarına immiqrasiya vizalarının verilməsini dayandırmaq qərarını ləğv edib.

Nyu-York ştatının Cənub dairəsi üzrə federal məhkəməsinin qərarına əsasən, 75 ölkədən olan müraciətçilərə immiqrasiya vizalarının verilməsinin tam dayandırılması qanunvericiliyə ziddir və Dövlət Departamentinin səlahiyyətlərini aşması hesab olunur.

Qərardan Rusiya, Azərbaycan, Gürcüstan, Ermənistan, Qazaxıstan, Özbəkistan, Qırğızıstan və İran vətəndaşları da faydalanır.

ABŞ Dövlət Departamenti vizaların verilməsinin dayandırılmasını ölkəyə sonradan Amerika cəmiyyətinə “yük” ola biləcək şəxslərin girişinin qarşısını almaqla əsaslandırmışdı.