Gürcüstan hakimiyyəti Britaniyanın BBC media qurumuna qarşı rəsmi şikayət hazırlayıb. Urbaninfo.az xəbər verir ki, buna səbəb BBC-nin 2024-cü ilin sonlarında baş verən kütləvi iğtişaşların dağıdılması zamanı guya kimyəvi maddədən istifadə edilməsi ilə bağlı yayımladığı reportajdır.
Gürcüstan parlamentinin spikeri Şalva Papuashvili bildirib ki, ilkin mərhələdə şikayət BBC-nin daxili tənzimləyici orqanına təqdim olunacaq. Onun sözlərinə görə, Tbilisi bu səviyyədə reportajın saxta və manipulyativ olduğunun etiraf ediləcəyinə ümid edir.
Papuashvili qeyd edib ki, nəticə əldə olunmasa, Gürcüstan hakimiyyəti Böyük Britaniyanın müvafiq qurumlarına, eləcə də beynəlxalq məhkəmələrə, o cümlədən Avropa İnsan Hüquqları Məhkəməsinə müraciət edə bilər.
Şikayətin detalları və BBC-yə qarşı irəli sürülən tələblər hələlik açıqlanmır.