Donetsk Yanacaq və Enerji Şirkəti (DTEK) Ukraynanın bütün ərazisində fövqəladə elektrik kəsintilərinin tətbiq edildiyini açıqlayıb. Bu barədə Insider UA nəşrinin Telegram-kanalında məlumat verilib.
Şirkət bildirib ki, planlaşdırılmış kəsintilərin cədvəlləri hazırda aktuallığını itirib.
DTEK baş verənlərlə bağlı əlavə məlumat təqdim etməyib.
Rəsmi Ukrayna hakimiyyəti isə hələ bu məlumatı təsdiqləməyib və heç bir açıqlama verməyib.
Yanvarın sonunda Ukraynanın böyük bir hissəsi, Rusiya ilə sərhəddəki yüksək gərginlikli xətlərin eyni anda sıradan çıxması nəticəsində enerjisiz qalmışdı. Bu xətlər Ukraynanın enerji sistemlərini Rumıniya və Moldova ilə birləşdirirdi, həmçinin ölkənin qərb və mərkəzi bölgələrini də əhatə edirdi. Bu vəziyyət bir sıra şəhərlərdə, o cümlədən Kiyevdə, su təchizatı və isitmə sistemlərinin işində fasilələrə, həmçinin paytaxtın metropoliteninin dayanmasına səbəb olmuşdu.
Həmçinin bildirilib ki, bir çox ukrayna regionlarında sənaye üçün güc məhdudiyyətləri və bütün kateqoriyalardakı istehlakçılar üçün saatlıq elektrik kəsintiləri cədvəlləri tətbiq olunur.