İranın ali liderinə yaxın mənbə Küveytin “Al-Jarida” nəşrinə bildirib ki, Möctəba Xamenei müalicə məqsədilə Moskvaya aparılıb. Onun evakuasiyası üçün gizli əməliyyat həyata keçirildiyi iddia olunur.

Məlumata görə, Möctəba Xamenei fevralın 28-də İsrailin zərbələri zamanı ağır yaralanıb. Bildirilir ki, Rusiya prezidenti Vladimir Putin yardım təklif edib və İran rəhbərliyi bu təklifi qəbul edib. Hərbi təyyarə Xameneini Moskvaya çatdırıb, burada o əməliyyat olunub və hazırda paytaxtdakı özəl klinikalardan birində müalicə alır.

Eyni zamanda islahatçı dairələrə yaxın mənbələr iddia edir ki, İran mediasında yayımlanan Xameneinin qısa müraciəti əslində Təhlükəsizlik Şurasının katibi Əli Laricani tərəfindən yazılıb. Həmin mənbələrin sözlərinə görə, Xameneinin özü ölkəyə müraciət etdiyindən belə xəbərsiz ola bilər.