Regional əməkdaşlığın inkişaf etdirilməsində Azərbaycan bir nümunədir. Azərbaycan, həmçinin Qlobal Bakı Forumu səviyyəsində əhəmiyyətli bir platforma yaradaraq dünyada vacib çağırışları ifadə etmək imkanına malikdir.

Bu sözləri XIII Qlobal Bakı Forumunun açılış mərasimində Türk Dövlətləri Təşkilatının (TDT) Ağsaqqallar Şurasının sədri Binəli Yıldırım deyib.

“Təəssüf ki, bir çox bölgələrdə parçalanmanın və qarşıdurmaların şahidi oluruq. Belə bir dövrdə dialoqu inkişaf etdirmək vacib addımdır. Son qlobal proseslər göstərir ki, bu kimi platformalar həm regional əməkdaşlıq, həm də etibarlı nəqliyyat dəhlizlərinin yaradılması üçün daha böyük ehtiyac yaradır. Bu isə ticarət sisteminin gücünü artırır və qarşılıqlı iqtisadi asılılığa xidmət edir”, - deyə Binəli Yıldırım vurğulayıb.