İranın Xarici İşlər Nazirliyinin nümayəndəsi Kazem Qaribabadi bildirib ki, İsrailin nüvə silahına malik olması Yaxın Şərqdə sülhün əsas əngəlidir. Bu barədə o, Cenevrədə keçirilən BMT silahsızlanma konfransının yüksək səviyyəli sessiyasında çıxışı zamanı deyib, məlumatı İranın dövlət televiziyası IRIB yayıb.
Qaribabadi vurğulayıb: «İsrailin nüvə arsenalı Yaxın Şərqdə nüvə silahından azad zona yaratmaq yolunda əsas əngəldir».
O əlavə edib ki, Tehran nüvə proqramı sülh xarakterlidir və qanuni öhdəliklər, eləcə də İranın ideoloji və əxlaqi prinsipləri əsasında inkişaf etdirilir.
The Wall Street Journal qəzetinin məlumatına görə, Cenevrədə keçirilən ABŞ-İran danışıqlarında Tehran yüksək zənginləşdirilmiş uranın bir hissəsini, məsələn, Rusiyaya, verməyi təklif edib ki, Vaşinqtonun əsas narahatlıqları aradan qaldırılsın. Məlumata görə, İran tərəfi zənginləşdirməni üç ilədək dayandırmağa hazırdır. Lakin ABŞ Prezidenti Donald Tramp administrasiyası proqramın tam dayandırılmasını tələb edir.