PKK terror təşkilatı silahlı birləşmələrinin Türkiyə ərazisindən və sərhədyanı bölgələrdən çıxarılmasını başa çatdırdığını açıqlayıb.

“Al Hadath” telekanalının məlumatına görə, təşkilat bununla bağlı bəyanat yayıb.

Bəyanatda bildirilib ki, Türkiyə ərazisində, eləcə də sərhədə bitişik bölgələrdə yerləşən qüvvələr geri çəkilib.

Qeyd edək ki, 2025-ci ilin fevralında PKK-nın həbsdə olan lideri Abdullah Öcalan tərəfdarlarını silahı yerə qoymağa çağırıb. Bundan sonra təşkilat qüvvələrinin Türkiyədən çıxarılması barədə qərarını açıqlayıb.

2025-ci ilin oktyabrında PKK toqquşma riski olan bölgələrdən birləşmələrini çıxarıb. Təşkilat bir neçə gün əvvəl isə Türkiyədə qalan qüvvələrinin də geri çəkilməsini başa çatdırdığını bildirib.