ABŞ-nin Yuta ştatında 1985-ci ildə törədilən qətldə ittiham olunan və ölüm hökmünə məhkum edilən Duqlas Stüart Karter azadlığa buraxılacaq.

71 yaşlı Karterin azad edilməsi ilə bağlı qərara cinayət yerindən əldə olunan nümunələrin onun DNT-si ilə uyğun gəlməməsi səbəb olub.

O, Provo şəhərində Eva Olesenin qətlinə görə məsuliyyətə cəlb edilib. Məhkəmə hökmü Karterin etirafı və iki şahidin ifadəsi əsasında verilib. Lakin daha sonra şahidlər ifadələrindən geri çəkiliblər.

Yuta Ali Məhkəməsi 2025-ci ildə istintaq zamanı yol verilmiş qanunsuzluqlarla bağlı işin yenidən araşdırılmasına qərar verib.

Mərhumun ailəsi isə istintaqın davam etdirilməsinə çağıraraq, DNT nəticələrinin təkbaşına Karterin günahsızlığını sübut etmədiyini qeyd edib.