Rusiya Böyük Britaniyaya xəbərdarlıq edib: “Britaniyanın hərbi obyektləri qanuni hədəf sayıla bilər”
Rusiya Böyük Britaniyanı siyasətdə eskalasiya xəttindən imtina etməyə çağırıb və özünümüdafiə hüququ çərçivəsində zəruri cavab tədbirləri görmək hüququnu özündə saxladığını açıqlayıb.
Bu barədə Rusiya Xarici İşlər Nazirliyinin sözçüsü Mariya Zaxarova bildirib.
Onun sözlərinə görə, Ukraynanın Rusiya ərazisinə zərbələr endirmək üçün istifadə etdiyi Britaniyaya məxsus hərbi obyektlər Moskva tərəfindən qanuni hədəf kimi qiymətləndirilə bilər.
“Ukraynada Rusiya ərazisinə zərbələr endirmək üçün istifadə olunan istənilən Britaniya hərbi obyekti qanuni hədəfdir”, – Zaxarova deyib.
Rusiya Xarici İşlər Nazirliyi Böyük Britaniyanın Ukraynaya silah və pilotsuz uçuş aparatlarının tədarükünü artırması ilə bağlı Londona etirazını bildirib. Nazirliyin məlumatına görə, Böyük Britaniyanın Moskvadakı müvəqqəti işlər vəkili XİN-ə çağırılıb.
Rusiya tərəfi həmçinin xəbərdarlıq edib ki, vəziyyətin daha da gərginləşməsinə görə məsuliyyət Böyük Britaniyanın üzərinə düşəcək.
Qeyd edək ki, sentyabrın 17-də Rusiyanın ATƏT-dəki daimi nümayəndəsi Dmitri Polyanski Böyük Britaniyanın Ukraynaya pilotsuz uçuş aparatları tədarükünü Moskvanın “müharibədə birbaşa iştirak” kimi qiymətləndirmək hüququ olduğunu bildirib.
