Ukraynanın ABŞ-də keçmiş səfiri Olqa Stefanişina barəsində irəli sürülən qanunsuz varlanma ittihamlarını rədd edib.

“Azadlıq Radiosu”nun Ukrayna xidmətinin məlumatına görə, NABU və SAP Stefanişinanı 13,9 milyon qrivna (təxminən 531 min AZN) məbləğində qanunsuz varlanmaqda ittiham edir.

Sabiq diplomat bildirib ki, ittihamda qeyd olunan mənzillər ona məxsus deyil və onların əldə edilməsində hər hansı yaxınından və ya rəfiqəsindən istifadə etməyib.

Stefanişina məhkəmədə ittihamlarla bağlı bütün arqumentlərini təqdim etməyə hazır olduğunu deyib.

Xatırladaq ki, Volodimir Zelenski avqustun 3-də Stefanişinanı Ukraynanın ABŞ-dəki səfiri vəzifəsindən azad edib. İki gün sonra ona qarşı yeni ittiham elan olunub.

Avqustun 6-da məhkəmə sabiq diplomat barəsində 6 milyon qrivna (təxminən 230 min AZN) məbləğində girov qətimkan tədbiri seçib.

İttihama əsasən, Stefanişina 2025-ci ildə rəfiqəsi Tatyana vasitəsilə Kiyevdə yerləşən “Fayna Taun” yaşayış kompleksində iki mənzil alıb və həmin mənzilləri təmir etdirib. Bundan başqa, onun valideynlərinin dəbdəbəli daşınmaz əmlakını gəlir bəyannaməsində göstərmədiyi iddia edilir.