Tramp Respublikaçılara səsləndi: “Qələbə qazanacağımız təqdirdə 5 min dollar ödəyəcəyəm”
ABŞ Prezidenti Donald Tramp qarşıdakı aralıq seçkilərdə Respublikaçılar Partiyasının Konqresin hər iki palatasında qələbə qazanacağı halda amerikalılara 5 min dollar məbləğində dividend veriləcəyini bildirib.
Xarici mətbuatın yaydığı məlumata əsasən, Tramp bu barədə Dallasda Respublikaçılar Partiyasının milli qurultayında çıxışı zamanı açıqlama verib.
O qeyd edib ki, Respublikaçılar həm Senatda, həm də Nümayəndələr Palatasında qalib gəlsələr, yetkinlik yaşına çatmış hər bir ABŞ vətəndaşına 5 min dollar ödəniləcək.
Prezident bu ödənişi “Tramp dividendi” kimi təqdim edib və vətəndaşların vəsaiti ABŞ daxilində xərcləməli olacağını bildirib.
Xatırladaq ki, ABŞ Konqresinə aralıq seçkilər noyabrın 3-də keçiriləcək. Seçkilərdə Senatın 33 üzvü və Nümayəndələr Palatasının 435 üzvünün hamısı yenidən seçiləcək. Hazırda Respublikaçılar hər iki palataya nəzarət edir.
