Ermənistan Rusiyanın bir sıra məhsulların idxalına qoyduğu məhdudiyyətlərin aradan qaldırılması üçün Avrasiya İqtisadi İttifaqına (Aİİ) müraciət edib.

Bu barədə Ermənistan iqtisadiyyat nazirinin müavini Tiqran Qasparyan məlumat verib.

O bildirib ki, Ermənistan tərəfi Rusiyanın tətbiq etdiyi məhdudiyyətlərin Aİİ çərçivəsində qəbul edilmiş razılaşma və prinsiplərlə ziddiyyət təşkil etdiyini düşünür.

Qasparyanın sözlərinə görə, İrəvan yaranmış problemin həlli və məhdudiyyətlərin aradan qaldırılması məqsədilə ittifaqın mövcud mexanizmlərindən istifadə edir.

Xatırladaq ki, Rusiya may və iyun aylarında Ermənistandan gül, tərəvəz, meyvə, üzüm, kartof, quru meyvə, diri balıq və balıq məhsullarının idxalına müxtəlif məhdudiyyətlər tətbiq edib.