Türkiyə Prezidenti Rəcəb Tayyib Ərdoğan ölkənin inkişafı və regionda sülhün təmin olunması istiqamətində həyata keçirilən siyasətin qarşısının alına bilməyəcəyini bildirib.

Ərdoğan Türkiyənin tarixi irsi, xarici siyasəti və regionda baş verən proseslərlə bağlı açıqlamalar verib.

“Bu torpaqlarda heç kimə hərbi əməliyyat etdirmərik. Bölgəmizdə ölkəmizi mühasirəyə almaq niyyətlərini tribunalardan izləməyəcəyik. Səlcuqlu və Osmanlı irsini yox sayan tarix oxunmalarını xoşniyyətli hesab etmirik. Türkiyəyə düşmənçilik edənlər itirəcəklər”, – deyə o bildirib.

Türkiyə lideri İran ətrafında yaranmış böhranın enerji bazarlarına təsirindən də danışıb. Onun sözlərinə görə, Hörmüz boğazında yaranmış vəziyyət həllini tapmadığı müddətdə neft qiymətlərində artım davam edə bilər.

Ərdoğan, həmçinin Türkiyənin ixrac göstəricilərinin rekord həddə çatdığını diqqətə çatdırıb. O bildirib ki, avqust ayında ölkənin ixracı 23,5 milyard dollar təşkil edib, illik ixrac isə 280,3 milyard dollara yüksəlib.