ABŞ Mərkəzi Kəşfiyyat İdarəsinin (MKİ) direktoru Con Retkliffin Moskvaya səfərinin Baltikyanı ölkələr ətrafında geosiyasi gərginliyin azaldılmasına yönələ biləcəyi ehtimal edilir.

Bu barədə Litva Prezidenti Gitanas Nauseda açıqlama verib. Onun sözlərinə görə, Retkliffin Moskvaya səfər edəcəyi barədə əvvəlcədən məlumatı olub.

Nauseda bildirib ki, görüşün məqsədləri və məzmunu ilə bağlı məlumatların gələn həftə açıqlanacağı gözlənilir.

“Yalnız ehtimal edə bilərəm ki, bu görüş həqiqətən də regionumuzda geosiyasi gərginliyin azaldılmasına yönəlib. Bu isə məni müsbət düşünməyə vadar edir”, – Litva prezidenti deyib.

Con Retkliff avqustun 25-də Moskvaya səfər edib. Bu, onun MKİ direktoru təyin olunmasından sonra Rusiyaya ilk məlum səfəridir.

Səfər barədə ilk məlumatı CBS News-un müxbiri Cennifer Ceykobs yayıb. Axios nəşrinin məlumatına görə, Retkliff yanvar ayından etibarən Rusiyaya səfər edən ABŞ prezident administrasiyasının ən yüksək vəzifəli nümayəndəsidir.

Daha əvvəl Böyük Britaniyada da MKİ direktorunun Moskva səfərinin mümkün məqsədləri ilə bağlı ehtimallar irəli sürülüb.