İran və İraq arasında bütün uçuşlar dayandırılıb. Bu barədə Səudiyyə televiziya kanalı Al Hadath öz X (Twitter) səhifəsində məlumat yayıb. Mənbələrə görə, İranın bütün vətəndaş və kommersiya uçuşları İraq hava limanlarına ləğv edilib.
Qeyd olunur ki, Avropa İttifaqı hələlik İranda hakimiyyətin tezliklə dəyişəcəyini gözləməsə də, ölkədə vətəndaş cəmiyyətinə dəstək göstərməklə vəziyyəti izləyir. Bununla yanaşı, Avropa İttifaqının ölkənin İslam İnqilabı Keşikçiləri Korpusunu (KİK) “terror təşkilatları” siyahısına daxil etməyi müzakirə etdiyi bildirilir.
Xatırladaq ki, 28 dekabr 2025-ci ildən etibarən İranın milli valyutasının kəskin devalvasiyası səbəbindən ölkədə etiraz aksiyaları başlayıb. Təhlükəsizlik qüvvələri bu etirazlara qarşı polis gözyaşardıcı qazı və pnevmatik silahlardan istifadə edib. Etirazlar xüsusilə Tehranda geniş vüsət alıb, ən ciddi qarşıdurmalar isə ölkənin qərb və cənub-qərb bölgələrində, o cümlədən Malekşaha, Kərmənşah və Lordegan şəhərlərində qeydə alınıb.

Urbaninfo.az