Çin şirkəti Agibot 2025-ci ildə dünyada insanabənzər robotların təchizatında 39% payla lider mövqeyə yüksəlib. Bu barədə GizmoChina analitik agentlik Omdia-ya istinadla məlumat yayıb.
Omdia-nın məlumatına görə, ötən il ümumi tədarük 13 min vahid təşkil edib ki, bu da sahənin eksperimental mərhələdən kommersiyalaşmaya keçdiyini göstərir. Gözlənilir ki, 2035-ci ilə qədər illik tədarük 2,6 milyon cihaz səviyyəsinə çata bilər, çünki robotların imkanları artır və qiymətləri azalır.
İkinci yeri də Çin şirkəti Unitree tutub və onun bazar payı təxminən 32%-dir. Beləliklə, iki Çin firması dünya bazarının 70%-dən çoxuna nəzarət edir. Digər önəmli oyunçular arasında UBTech, Leju Robotics, EngineAI, həmçinin ABŞ şirkətləri Tesla və Agility Robotics var, lakin onların payı hələ ki, xeyli aşağıdır.
Agibot robotları – tam ölçülü, kiçildilmiş və təkərli modellər – artıq otel biznesində, sənayedə, logistika, təhlükəsizlik və süni intellekt üçün məlumat toplama sahələrində istifadə olunur. Perspektivli istiqamətlərə isə təhsil və elmi tədqiqatlar daxildir. Analitiklər Agibot-u Unitree və Tesla ilə birlikdə dünya səviyyəli liderlər sırasında qeyd edir, onların universal və avtonom sistemlər yaratmaqda irəliləyişlərini vurğulayır.