ABŞ-da miqrasiya xidməti əməkdaşlarına edilən hücumların təşkil edilmiş şəbəkə tərəfindən koordinasiya oluna biləcəyi bildirilir, hökumət onun maliyyələşmə mənbələrini araşdırır. Urbaninfo.az xəbər verir ki, bu barədə ABŞ vitse-prezidenti Cey Di Vens məlumat verib.
Vitse-prezident qeyd edib ki, şəbəkəyə bəzi media qurumlarının da təsir etdiyi iddia olunur və bu qrup hüquq-mühafizə əməkdaşlarına qarşı zorakılığı təşviq etməyə çalışır. Vens bildirib ki, araşdırma çərçivəsində maliyyə mənbələri və dəstəkçilər müəyyənləşdirilməyə çalışılır.
Bundan əvvəl Minnessota ştatının Minneapolis şəhərində immiqrasiya xidməti əməkdaşının iştirakı ilə insident baş verib. Təhlükəsizlik kameralarına düşən görüntülərdə, yol ortasında dayanan avtomobilə yaxınlaşan agentin sürücüdən qapını açmağı tələb etdiyi və avtomobil hərəkət edərkən ən azı iki dəfə atəş açdığı görünür