Suriya ordusu Əl-Ələpoda kurd koalisiyası Suriya Demokratik Qüvvələrinə (SDS) qarşı hərbi əməliyyata başlayıb. Urbaninfo.az xəbər verir ki, bu barədə SANA agentliyi məlumat yayıb.
Əməliyyat provinsiyanın Şeyx Maksud, Əşrəfi və Bani Zeyd rayonlarını əhatə edir. Həmin ərazilərdə komendant saatı tətbiq olunub və yerli vaxtla saat 13:30-dan etibarən qüvvəyə minib. Əməliyyat çərçivəsində SDS-in bütün mövqeləri ordunun legitim hədəfləri hesab olunur, sakinlər isə bu ərazilərə yaxınlaşmamağa çağırılıb.
Əvvəlcə Türkiyə xarici işlər naziri Hakan Fidan SDS-in mövqeyini tənqid edərək bildirib ki, bu mövqe bölgədə vəziyyətin normallaşmasına mane olur və regionun reallıqlarına ziddir. Nazir əlavə edib ki, Əl-Ələpoda SDS-in mülki əhaliyə qarşı hücumları sülhə nail olmaq səylərini zəiflədir və onları terrorizmdən və separatizmdən əl çəkməyə çağırıb.
Türkiyə müdafiə nazirliyi isə Suriya ordusunun Əl-Ələpoda həyata keçirdiyi antiterror əməliyyatına qoşulmağa hazır olduqlarını açıqlayıb.
Xatırladaq ki, son günlərdə SDS tərəfindən Əl-Ələponun yaşayış məhəllələrinə edilən atəş nəticəsində iki qadın və bir kişi həyatını itirib, 27 mülki şəxs, o cümlədən iki uşaq yaralanıb.