Vaşinqton şəhərinin meri Muriel Bouzer Potomak çayına sızan çirkab suları səbəbindən şəhərdə fövqəladə vəziyyət elan edib. Bu barədə RİA Novosti ABŞ paytaxtının merinin fərmanına istinadən məlumat yayıb .

Sənəddə deyilir: "Həm sakinlərin, həm də qonaqların rifahı üçün dağılma və çirkab sularının utilizasiyası ilə bağlı mümkün qədər səmərəli və effektiv şəkildə məşğul olmağımız, bütün mövcud federal resursları səfərbər etməyimiz və mümkün olan ən yaxşı monitorinq və xəbərdarlıq sistemlərini təmin etməyimiz vacibdir".

Bouzer həmçinin Tramp administrasiyasından Kolumbiya dairəsinin çəkdiyi xərclərin tam ödənilməsini istədi .

Fevralın 17-də Tramp iddia etdi ki, Vaşinqtonla qonşu olan bir ştatda minlərlə ton çirkab sularının Potomak çayına sızması nəticəsində ekoloji fəlakət baş verir. Amerika lideri Merilend qubernatoru, Demokrat Ues Muru günahlandırdı. Trampın sözlərinə görə, yerli hakimiyyət orqanları çirkab sularının çaya axmasına səbəb olan kanalizasiya sızmasının öhdəsindən gələ bilmir.