Onlar xəstəxanaya çatdırılıb

Gəncədə məktəblərin birində 5 şagird zəhərlənmə şübhəsi ilə xəstəxanaya yerləşdirilib.

Hadisə Cəfər Cabbarlı adına 6 nömrəli tam orta məktəbdə qeydə alınıb. Dərs zamanı 4-cü sinif şagirdlərindən bir neçəsi özünü pis hiss edib.

İlkin məlumata görə, şagirdlərin məktəbin bufetindən aldıqları şirniyyatdan zəhərləndikləri ehtimal edilir.

Gəncə-Daşkəsən Regional Təhsil İdarəsi hadisənin nəzarətə götürüldüyünü və səbəblərin müəyyənləşdirilməsi istiqamətində aidiyyəti qurumlarla birgə araşdırma aparıldığını açıqlayıb.

TƏBİB-dən bildirilib ki, 5 nəfər zəhərlənmə şübhəsi ilə Abbas Səhət adına xəstəxananın Yoluxucu xəstəliklər şöbəsinə yerləşdirilib. Hazırda onların müalicəsi davam etdirilir, vəziyyətləri stabildir.