Daimi maliyyə çətinlikləri beyin sağlamlığına mənfi təsir göstərə və onun qocalmasını sürətləndirə bilər.

Xarici mediaya istinadən məlumatına görə, britaniyalı alimlər təxminən 3000 nəfərin məlumatlarını təhlil etdikdən sonra bu məyusedici nəticəyə gəliblər.

Tədqiqatçılar həyatları boyu maliyyə çatışmazlığı yaşayan və əsas ehtiyaclarını ödəyə bilməyən insanların 50 yaşından sonra idrak geriləməsi göstərmə ehtimalının daha yüksək olduğunu aşkar ediblər. Həmçinin, qocalıqda beyin atrofiyası əlamətləri göstərmə ehtimalı daha yüksəkdir.

Bu təsir xüsusilə kişilər, aşağı gəlirli ailələrdə böyüyən insanlar və Alzheimer xəstəliyinin inkişaf riskinin artması ilə əlaqəli olan APOE-ε4 geninin daşıyıcıları arasında nəzərə çarpır.

Ekspertlərin fikrincə, uzunmüddətli yoxsulluq 53 yaşa qədər yaddaşın azalması ilə birbaşa əlaqəlidir.

Bundan əlavə, neyrogörüntüləmə nəticələri göstərib ki, aşağı gəlir yaşla əlaqəli atrofiyanın əlaməti olan beyin mədəciklərinin həcminin artması ilə əlaqələndirilir.

Bu maraqlı tədqiqatın müəllifləri hesab edirlər ki, iş illərində maddi çətinlik çəkən insanlara dəstək olmaq demensiya və digər yaşla əlaqəli beyin xəstəliklərinin qarşısının alınması üçün bir tədbir ola bilər.