Azərbaycanda sentyabrın 20-nə gözlənilən hava proqnozu açıqlanıb.

Milli Hidrometeorologiya Xidmətindən bildirilib ki, Bakıda və Abşeron yarımadasında hava dəyişkən buludlu olacaq, əsasən yağmursuz hava şəraiti hökm sürəcək.

Şimal-qərb küləyi əsəcək. Paytaxt və Abşeronda gecə temperaturu 20-23°, gündüz 25-29° isti olacaq.

Ölkə rayonlarında isə hava əsasən yağmursuz keçəcək. Bununla belə, bəzi dağlıq və dağətəyi rayonlarda arabir yağış yağacağı bildirilir. Ayrı-ayrı yerlərdə yağışın leysan xarakterli və intensiv olacağı, şimşək çaxacağı və dolu düşəcəyi ehtimal olunur.

Gecə və səhər saatlarında dağlıq ərazilərdə duman müşahidə ediləcək. Şərq küləyi əsəcək.

Rayonlarda havanın temperaturu gecə 17-22°, gündüz 28-32° isti olacaq. Dağlarda gecə 10-15°, gündüz 17-20° isti proqnozlaşdırılır.