8 ayda 35 minə yaxın vətəndaşa əlillik verilib
Bu ilin ilk 8 ayında Azərbaycanda 35,3 min şəxsin əlilliyi müəyyən olunub.
Əmək və Əhalinin Sosial Müdafiəsi Nazirliyinin tabeliyindəki Dövlət Tibbi Sığorta və Ekspertiza Agentliyindən bildirilib ki, onların 14,7 mini ilkin, 20,6 mini isə təkrar əlillik təyinatı alan şəxslərdir.
Bildirilib ki, əlilliyin qiymətləndirilməsi tam elektron qaydada aparılır. Proses tibb müəssisələrinin elektron sistemə daxil etdiyi göndərişlərdə əks olunan məlumatlar əsasında həyata keçirilir.
Əlillik müəyyən edildikdən sonra sosial ödənişlər də vətəndaşlara elektron sistem vasitəsilə əlavə müraciət tələb olunmadan təyin edilir.
Sosial şəbəkələrdə paylaş
