Sabunçuda anadangəlmə yuxarı ətrafları olmayan körpə dünyaya gəlib
Bakının Sabunçu rayonunda yerləşən tibb müəssisələrindən birində anadangəlmə yuxarı ətrafları olmayan körpə dünyaya gəlib.
“Unikal”a istinadən məlumatına görə, doğuşdan sonra körpənin anası övladından rəsmi şəkildə imtina edib.
Faktı Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi təsdiqləyib.
Agentlikdən bildirilib ki, uşaqla bağlı məlumat daxil olduqdan sonra əməkdaşlar prosesə cəlb olunub, körpənin vəziyyəti səhiyyə müəssisəsində qiymətləndirilib.
Qeyd olunub ki, körpə daimi qayğı ilə təmin olunması üçün qanunvericiliyə uyğun olaraq müvafiq uşaq müəssisəsinə yerləşdiriləcək.
