Ruzbeh Məmməd Kliniki Tibbi Mərkəzdəki vəzifəsindən ayrıldı. O, bu barədə sosial media hesabında yazıb:

"Kliniki Tibbi Mərkəzlə (“Semaşko”) yollarımız ayrıldı.

Demək olar ki, 4 ilə yaxın bir müddət ərzində burada çalışdım. Bu illər ərzində jurnalist həmkarlarımla çox yaxşı münasibətlərimiz formalaşdı, bir-birimizi anladıq və qarşılıqlı hörmət çərçivəsində əməkdaşlıq etdik.

Bu müddət ərzində mənə ünvanlanan jurnalist sorğularını cavabsız qoymamağa, həmkarların işini ləngitməməyə və müraciətlərə mümkün qədər operativ şəkildə cavab verməyə çalışdım. Mənə müraciət edən heç kimi geri çevirmədim.

Təbii ki, bəzən məndən asılı olmayan səbəblərdən müəyyən məsələlərdə istənilən nəticəni əldə etmək mümkün olmayıb. Buna görə də anlayış göstərən, əməkdaşlığımızı və qarşılıqlı münasibətlərimizi yüksək qiymətləndirən bütün jurnalist həmkarlarıma xüsusi təşəkkürümü bildirirəm.

Sizinlə işləmək mənim üçün həm peşəkar, həm də insani baxımdan dəyərli təcrübə oldu.

Hər birinizə təşəkkür edirəm. Hər zaman sağlam qalın. Çünki bu dünyada sağlamlıqdan daha dəyərli nemət yoxdur.

Yeni ünvanlarda, yeni başlanğıclarda və yeni layihələrdə yenidən görüşmək ümidi ilə...

Hər şey üçün təşəkkürlər!".