Yaponiya dünyanın ən böyük atom elektrik stansiyalarından biri olan Kasiwazaki-Kariwa AES-də reaktorun fəaliyyətini yenidən bərpa edib. Bu barədə BBC məlumat yayıb.
Tokionun şimal-qərbində yerləşən stansiyanın altıncı reaktoru yanvarın 20-də, çərşənbə günü işə salınıb. BBC-nin məlumatına görə, reaktorun kommersiya istismarı fevral ayında başlanacaq.
Bildirilir ki, AES-in yeddinci reaktoru 2030-cu ildən əvvəl işə salınmayacaq, qalan beş reaktorun isə ümumiyyətlə istismardan çıxarılması ehtimal olunur.
Bundan əvvəl Yaponiyanın NHK telekanalı Kasiwazaki-Kariwa AES-də enerji blokunun yenidən işə salınması barədə xəbər vermişdi. Qeyd olunurdu ki, 2012-ci ildən bəri fəaliyyətsiz qalan enerji blokunun yenidən işə salınması yanvarın 20-nə planlaşdırılsa da, aşkarlanan texniki nasazlıqlara görə proses təxirə salınıb. Sınaqlar zamanı idarəedici çubuqların çıxarılması üzrə siqnalizasiya sistemi işləməyib.
Xatırladaq ki, Kasiwazaki-Kariwa AES-in fəaliyyəti 2011-ci ildə “Fukusima-1” atom elektrik stansiyasında baş verən qəzadan sonra tamamilə dayandırılmışdı.

Urbaninfo.az