Tədqiqatçılar 18–35 yaşlı gənc yetkinlər arasında internet-oyun asılılığının (Internet Gaming Disorder, IGD) yayğınlığını araşdırıb və əhəmiyyətli nəticələr əldə ediblər. Addictive Behaviors jurnalında yayımlanan araşdırmada təxminən 150 min insanın məlumatları analiz edilib.
Nəticələr göstərir ki, gənc yetkinlər arasında IGD-nin yayılması 6,1% təşkil edir, yəni hər on altıncı şəxs oyunla bağlı ciddi problemlərlə üzləşir. Yalnız aktiv oyunçulardan ibarət nümunələrdə bu göstərici 8,1%, qarışıq nümunələrdə isə 5,5% olub.
Tədqiqatçılar qeyd edirlər ki, IGD oyunlara maraqdan fərqli olaraq psixoloji və sosial fəaliyyətlərə ciddi təsir edən klinik problemdir və MKİ-11-də tanınmış diaqnozdur. Asılılıq, təhsil, iş və sosial münasibətlərə mənfi təsir göstərə bilər.
Mütəxəssislər gənc yetkinlər arasında risk qruplarının müəyyənləşdirilməsinin, erkən müdaxilə və vahid diaqnostik yanaşmaların vacibliyini vurğulayır.