“WUF13 beynəlxalq əməkdaşlığın gücləndirilməsi və Meksikanın WUF14 ev sahibliyinə hazırlıq prosesi üçün mühüm platforma oldu”.

Urbaninfo.azxəbər verir ki, bu fikirləri WUF13-ün rəsmi bağlanış mətbuat konfransında Meksika Xarici İşlər Nazirliyində Vətəndaş Cəmiyyəti Təşkilatları ilə İş üzrə Baş Direktor Mariana Viktoriya səsləndirib.

O qeyd edib ki, WUF13-ün təşkilində UN-Habitat və gənc könüllülərin iştirakı xüsusi əhəmiyyət daşıyıb, prosesin yüksək səviyyədə həyata keçirilməsinə töhfə verib. Onun sözlərinə görə, Meksika nümayəndə heyəti forumda geniş tərkibdə təmsil olunub və şəhər planlaşdırması, diplomatiya və müxtəlif dövlət strukturlarından rəsmilər müzakirələrə qatılıblar.

Mariana Viktoriya əlavə edib ki, Meksika artıq WUF14 -ün hazırlıqlarına başlayıb və bu istiqamətdə UN-Habitat və Mexiko şəhər hökuməti ilə sıx koordinasiya aparılacaq. Onun sözlərinə görə, WUF14 Latın Amerikası üçün xüsusi əhəmiyyət daşıyır və 2030 Dayanıqlı İnkişaf Gündəliyinə aparan əsas qlobal platformalardan biri olacaq.