Lökbatan qəsəbəsində yerləşən tikintisi yarımçıq qalmış xəstəxana binasının profilinin dəyişdirilərək psixiatriya və narkoloji mərkəzlərə uyğunlaşdırılması üzrə əsaslı təmir işlərinin davam etdirilməsi planlaşdırılır.

Urbaninfo.az-ın məlumatına görə, tenderin ehtimal olunan qiyməti 1 milyon 905 min 736 manat təşkil edir.

Azərbaycan Respublikası Səhiyyə Nazirliyinin Tikilməkdə olan Müəssisələrin Müdiriyyəti tərəfindən keçirilən tender Lökbatan qəsəbəsində yarımçıq xəstəxana binasının profilinin dəyişdirilərək, 218 çarpayılıq Psixiatriya Mərkəzi və 123 çarpayılıq Narkoloji Mərkəz kimi əsaslı təmir işlərinin davamını (2-ci mərhələ) əhatə edir.

Qeyd edək ki, layihə çərçivəsində binada əsaslı təmir işlərinin davam etdirilməsi nəzərdə tutulur və obyektin psixiatriya və narkoloji xidmətlərin göstərilməsi üçün uyğunlaşdırılması planlaşdırılır.