Gəncədə fəaliyyət göstərən Sənaye və Texnologiyalar üzrə Dövlət Peşə Təhsil Mərkəzində ölüm hadisəsi baş verib. Urbaninfo.az xəbər verir ki,  bu barədə təhsil müəssisəsi tərəfindən rəsmi açıqlama yayılıb.
Bildirilir ki, 12 yanvar 2026-cı il tarixində Bayramov Röyal Vüqar oğlu səhər saatlarında təhsil aldığı Peşə Təhsil Mərkəzində olarkən səhhəti qəfil pisləşib. O, huşunu itirərək yıxılıb. Hadisə dərhal qeydə alınıb və təcili tibbi yardım briqadası çağırılıb. Röyal Bayramov operativ şəkildə xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.
Faktla bağlı aidiyyəti dövlət qurumları tərəfindən müvafiq araşdırmalara başlanılıb. Hadisənin dəqiq səbəbləri araşdırmanın nəticələrinə uyğun olaraq ictimaiyyətə açıqlanacaq.
Rəsmi açıqlamada mərhumun ailəsinə və yaxınlarına dərin hüznlə başsağlığı verildiyi də qeyd olunub.