Salyan rayonunun Aşağı Noxudlu kəndindəki Ataxan Sadıqov adına tam orta məktəb bir ildən çoxdur ki, qəzalı vəziyyətdədir. Təxminən 400 şagirdin təhsili və təhlükəsizliyi risk altındadır, valideynlər xəbər verir.
Valideynlərin sözlərinə görə, 2020-ci ildən etibarən dövlət büdcəsindən ayrılan vəsait məktəbin təmirinə xərclənməsinə baxmayaraq, məktəb hələ də təhlükəsizlik baxımından yararsızdır. Ötən il şagirdlər daşınma yolu ilə Yuxarı Noxudluya gedirdilər, lakin 3 gündür həmin məktəb də qəzalı vəziyyətə düşdüyü üçün uşaqlar evdə qalırlar.
Valideynlər dövlət orqanlarını və media nümayəndələrini kəndə dəvət edərək, mövcud vəziyyəti yerində görməyə və işıqlandırmağa çağırırlar. Onlar bildirirlər ki, bu vəziyyət həm təhsil, həm də uşaqların sağlamlığı üçün ciddi təhlükə yaradır.
Valideynlər həmçinin sual edir: büdcədən ayrılan vəsaitlə kombi quraşdırılıbsa, niyə məktəblər hələ də bağlıdır və şagirdlər evdə qalır?