Rusiya Elmlər Akademiyasının Kosmik Tədqiqatlar İnstitutunun (IKI RAN) Günəş Astronomiyası Laboratoriyasına görə, 9 yanvarda Yer üzərində G1 səviyyəli zəif maqnit qasırğaları müşahidə oluna bilər. Urbaninfo.az xəbər verir ki, məlumat institutun Telegram-kanalında yayımlanıb.
Bildirilir ki, bu maqnit dalğalanmaları 6 yanvarda Günəşdən ayrılmış orta ölçülü plazma partlayışının Yerin yaxınlığından keçməsi nəticəsində yaranacaq. Əgər plazma partlayışı azacıq sola saparsa, Yerə heç bir təsiri olmayacaq, sağa saparsa isə maqnit sahəsində dalğalanmalar gözləniləndən daha güclü ola bilər.
Alimlər həmçinin qeyd ediblər ki, 2026-cı ilin əvvəlindən Günəşdə baş verən partlayışların səviyyəsi və sayı aşağıdır, yaxın günlərdə artım gözlənilmir.
Xatırladaq ki, 31 dekabr 2025-ci il tarixində Günəşdə M7.1 səviyyəli güclü partlayış baş verib. Bu, xüsusilə Vladivostok, Xabarovsk və Birobidjan üçün Yeni il saatının çalınması ilə üst-üstə düşüb.