ABŞ prezidenti Donald Tramp Müctəba Xameneyinin İranın yeni ali lideri təyin edilməsindən narazı olduğunu bildirib.

Fox News-un aparıcısı Brayan Kilmid deyib ki, yeni liderin seçilməsi ilə bağlı xəbərlərdən sonra o, Tramp ilə danışıb və ABŞ prezidenti ona “Mən bundan narazıyam” deyə cavab verib. Aparıcı əlavə detalları açıqlamayıb.

Daha əvvəl də Tramp mediada Müctəba Xameneyinin İranın ali lideri postuna əsas namizəd olduğu barədə məlumatlar yayılandan sonra bu namizədliyin onu qane etmədiyini bildirmişdi.

ABŞ prezidenti qeyd etmişdi ki, İranın yeni lideri seçilərkən ABŞ-ın mövqeyi də nəzərə alınmalıdır. Vaşinqton hazırda Tehranla müharibə vəziyyətindədir.

İsrail isə daha əvvəl xəbərdarlıq etmişdi ki, İranın yeni ali lideri İsrail üçün potensial hədəfə çevrilə bilər.